Hondarribiko Jai Nagusietarako irudia aukeratua
Yoana Mintegui Castroren “Festak ospatzen” obra izango da Hondarribiako 2026ko Jai Nagusietako irudia. 12 proposamen aurkeztu dira eta epaimahaiak, Idoia Seijo Iruretagoiena, Tzane Carrillo Salaberria, Oaia Albizu López eta Javier Sagarzazu Garaikoetxea osatuta, lanen kalitate handia nabarmendu du.
Minteguik adierazi duenez, kartelean islatu nahi zuen momentua jaiaren amaiera da, itxiera ospatzen den unea. “Jendeak salto egiten, elkarrekin ospatzen eta jaiaren azken une hori disfrutatzen irudikatu nahi nuen”, azaldu du. Lehiaketa irabaztea ez zuela espero onartu du: “Udalak deitu eta sorpresa handia izan nuen. Oso pozik nago eta ohore bat da nire lana Jai Nagusietako irudi izatea”.
Diseinuan, irundarrak estetika sinple eta garaikide baten aldeko apustua egin du, kolore lauak erabiliz eta osagai gutxi dituen konposaketa bat erabiliz. Hondarribiako berdea eta Alardearen gorria hartu ditu ardatz. “Lehenago proposamen errealista bat egiteko pentsatu nuen, baina azkenik “gutxi da gehiago” printzipioaren alde apustua egin nuen”, adierazi du Minteguik.
Bestalde, bigarren irabazlea Martin La Casta Aramburu izan da, “Figuras” lanean eta hirugarren irabazlea Maore Tolosa Peña “Gonak” proposamenarekin.
Kultura zinegotzi Ortzi Alonsok lehiaketan parte hartu duen guztiei esker onak eskatu dizkie: “Urtez urte jasotzen dugun erantzunagatik eskertu nahi dizuegu. Aurten ere, kalitate handiko lanak aurkeztu dira, eta horrek erakusten du lehiaketa eta gure jaietatik sortzen duen interes handia. Hondarribiako Udalaren izenean, parte hartzaile guztiei gure eskerrik beroena helarazi nahi diegu”.
