Muskizek diagnostiko lagunkoi berri bat martxan jarri du
Muskizek, Muskiz Lagunkoia programaren barruan, diagnostiko berri bat ezarri du, adineko pertsonen beharrak hobetzeko eta udalerri lagunkoiagoa izateko asmoarekin. Prozesu honek 2020an egindako azterketa eguneratu eta gaur egungo egoerarekin konparatzeko aukera emango du.
Diagnostikoa tresna garrantzitsua da beharrak identifikatzeko, hobekuntza arloak zehazteko eta etorkizuneko ekintza plana egiteko, lagunkoitasunaren perspektibatik. Horrela, udalerriak bere politika eta proiektuak egungo erronketara egokitzeko aukera izango du, adineko pertsonen ikuspegia eta esperientzia kontuan hartuta.
Ekimen hau, Euskadi Lagunkoia Berria programaren baitan kokatzen da, ingurune irisgarriak, inklusiboak eta biztanleriaren zahartzeari egokituta sustatzeko helburuarekin. Diagnostikoaren eguneraketak prozesu parte-hartzailea indartuko du eta etorkizuneko ekintzak definitzeko oinarri sendoa ezarriko du, Muskiz komunitatearen ongizatearekin konprometitutako udalerri gisa sendotuz.
