Gipuzkoak Gaztemunduri Ateak Ireki programan parte hartu duten gazteei ongietorria eman die
Euskal diasporako berrogeita hamar bat gazte, Goierri eta Busturialdeko familiekin biziko dira hiru astez, euskararen eta euskal kulturaren ezagutzan murgilduz. Ekimena Beasaingo Igartza Jauregian ospatu zen, Gipuzkoako Foru Aldundiak, Eusko Jaurlaritzak eta Batzen elkarteak antolatuta.
Estatu Batuetatik, Kanadatik, Argentinatik, Uruguaitik eta Australiatik iritsitako gazteek euskara eta euskal kulturan murgiltzeko esperientzia biziko dute uztailaren 19ra arte. Horrekin batera, familia hauetako kideekin biziko dute eta hainbat kultur eta formazio ekintzetan parte hartuko dute.
Ekitaldian, Felix Urkola foru diputatuak, programa honen balioa azpimarratu zuen, sare berriak eratzea eta lehendik daudenak indartzeko aukera ematen duelako, Gipuzkoaren eta kanpoko euskal komunitatearen arteko loturak indartzeko konpromisoa nabarmenduz. Aurten, lehen aldiz, Gaztemundu eta Ateak Ireki programak batuko dira, gazteei esperientzia partekatu bat eskaintzeko asmoz, Euskadirekin harremana sendotzeaz gain, euskararen ezagutzan sakontzea eta munduko euskal komunitateen artean lotura berriak sortzea bilatzen delarik.